|
A
Dug A Dug.
Hey, daddy,
wid yi get us a dug?
A big broon
alsation? Ur a wee white pug,
Ur a skinny
wee terrier ur a big fat bull,
Aw, daddy. Get
us a dug, Wull ye?
N whose
dug’ll it be when it durties the flerr?
And pees’n
the carpet,and messes the sterr?
It’s me ur
yur mammy’ll be taen fur a mug.
Awa oot an
play. Yir no needin a dug.
Bit, daddy!
Thur gien thum away
Doon ther at
the RSPCA.
Yu’ll get
wan fir nothing so ye wull.
Aw, daddy. Get
us a dug. Wull ye?
Doon therr at
the RSPCA!
Dae ye hink
ah’ve goat nothing else tae dae
Bit gey you a
dug that ah’ll huttae mind?
Yur no needin
a dug. Ye urny blind.
Bit, daddy,
thur rerr fur gaurdin the hoose
An thur
better’n cats fur catchin a moose
An wee
Danny’s dug gies is barra a pull.
Aw, hey daddy.
Get us a dug. Wull ye?
Dae ye hear im?
Oan aboot dugs again?
Ah think
yin’s got dugsn the brain.
Ah know whit
ye’ll get; a skiten the lug
If a hear any
merr aboot this bloomin dug.
Bit,daddy, it
widnae be dear tae keep
N ah’d make
it a basket fur it tae sleep
N ah’d take
it fur runs away oor the hull.
Aw,daddy. Get
us a dug. Wull ye?
Ah don’t
hink thur’s ever been embdy like you.
Ye could
wheedle the twist oot a flaming coarkscrew.
Noo get doon
aff mah neck, Ah don’t want a hug.
Awright
that’s anuff, Ah’ll get ye a dug.
Aw, daddy! A
Dug! A Dug!
By Bill Keys.
Back to Index page.
|
